उष्मघातामुळे बिहारमधील १८४ जणांनी गमावला जीव

लोकांचे मृत्यू उष्मघातामुळे होत असल्याने तेथील परिस्थिती भीषण होत चालली आहे. उष्मघातामुळे आतापर्यंत १८४ जणांचा मृत्यू झाला असून रुग्णालयात १०० जणांना उपचारासाठी दाखल करण्यात आले आहे. फक्त गेल्या ४८ तासांत ११३ जणांना मृत घोषित करण्यात आले आहे. औरंगाबाद, गया आणि नवादा जिल्ह्यात सर्वाधिक मृत्यू झाले आहेत. याठिकाणी एकूण ६१ मृत्यू झाले आहेत.

उष्मघाताचा फटका लहान शाळकरी मुलांना बसू नये यासाठी ३० जूनपर्यंत बिहारमधील सर्व सरकारी शाळा बंद ठेवण्याचा निर्णय घेण्यात आला आहे. याची ताप आणि उलट्या होणे ही मुख्य लक्षणं आहेत. मृतांच्या नातेवाईकांसाठी मुख्यमंत्री नितीश कुमार यांनी चार लाखांची मदत जाहीर केली आहे. त्याचबरोबर नितीश कुमार यांनी संबंधित अधिकाऱ्यांना योग्य ती पाऊले उचलण्याचे आदेश दिले आहेत.