नवी दिल्ली – १६ वी लोकसभा केंद्रीय मंत्रिमंडळाने बरखास्त केली असून नुकतीच केंद्रीय मंत्रिमंडळीची बैठक झाली, हा ठराव यामध्ये मंजूर करण्यात आला आहे. राष्ट्रपती रामनाथ कोविंद यांची भेट घेऊन पंतप्रधान नरेंद्र मोदींनी त्यांच्याकडे पंतप्रधान पदाचा राजीनामा सोपवला आहे.
पंतप्रधान नरेंद्र मोदी हे मंत्रिमंडळाची बैठक झाल्यानंतर राष्ट्रपतींची भेट घेण्यासाठी गेले होते. त्यानंतर आपल्या पदाचा राष्ट्रपतींकडे राजीनामा त्यांनी सुपूर्द केला. नरेंद्र मोदी ३० मे रोजी पंतप्रधानपदाची शपथ घेण्याची शक्यता आहे. आज एनडीएच्या सर्व घटक पक्षांची दिल्लीत बैठक आयोजित केली आहे. भाजपने २०१९ च्या लोकसभा निवडणुकीत प्रचंड बहुमताने विजय मिळवला आहे. ३०३ जागा भाजपला मिळाल्या आहेत. तर भाजप्रणित आघाडीला एकूण ३४८ जागा मिळाल्यामुळे सत्ता स्थापनेसाठी भाजपकडे बहुमत आहे.