बागेतील झाडांसाठी किंवा शेतीसाठी वापरू शकता मानवाच्या मृतदेहापासून बनवलेले खत


लॉस एंजिल्स- मानवाच्या मृतदेहापासून खत बनवण्यासाठी अमेरिकेत मंजुरी मिळाली असून याला लागू करणारे वॉशिंग्टन पहिले राज्य बनले आहे. या बिलावर वॉशिंग्टनच्या गव्हर्नरने हस्ताक्षर केले आहेत. मृतदेह गाडल्यानंतर त्यामधून होणाऱ्या कार्बन उत्सर्जनाला कमी करण्याचा यामागे उद्देश आहे. पुढील वर्षी मे महिन्यापासून हा नवीन नियम लागू होईल. लोकांकडे आपल्या शरीराला मेल्यानंर खत बनवण्यासाठी देण्याचा यामध्ये पर्याय असेल. रिकम्पोजिशन या प्रक्रियेला म्हटले जाते.

सगळ्यात आधी मानवी खत बनवण्याची ऑफर सिएटलची कंपनी रीकम्पोजने दिली होती. हे नियम लागू करण्यासाठी कायद्याची लढाई लढणारी रीकम्पोजची संस्थापक कॅटरीना स्पेडचे म्हणने आहे की, मृतदेहाला पुरण्याचा किंवा जाळण्याचा पर्याच रीकम्पोजिशन देते. ही नैसर्गिक असण्यासोबतच सुरक्षित आणि टीकाऊ पद्धत असल्यामुळे फक्त कार्बन उत्सर्जनच थांबणार नाही तर जमिनीची बचतही होईल. कैटरीनाने सांगितले की, 10 वर्षांपूर्वी रीकम्पोजिशनचा विचार आला होता. मी त्यावेळी 30 वर्षांची होते आणि स्वतःच्या मृत्यूबद्दल जास्त विचार करू लागले. मी त्यानंतर पर्यावरणपुरक पर्यायाबद्दल विचार करणे सुरू केले. साठी माझा सामना 20 बिलियन डॉलर (अंदाजे 1.3 लाख कोटी रूपये) असलेल्या अमेरिकेतील अंतिम संस्कार व्यापाराशी होता, जो पारंपारीक चालीरितींना मानतो.

कॅटरीनाने वॉशिंग्टन स्टेट यूनिव्हर्सिटीमध्ये मानवी खतासाठी याची ट्रायलदेखील केली. यासाठी मृतदेहाला स्टीलच्या कंटेनरमध्ये वाळलेल्या गवतासोबत, लाकड आणि स्ट्रॉसोबत 30 दिवसांसाठी बंद केले. या दरम्यान बॅक्टीरियाने मृतदेहाला पूर्णपणे डिकम्पोज केले होते. या प्रक्रियेतून मिळालेले उत्पादन पुर्णपणे वाळलेले आणि पोषक तत्वांनी परिपूर्ण असे होते,ज्याचा वापर बागेतील झाडांसाठी केला जाऊ शकतो. कॅटरीनाने सांगितले की, प्रक्रियेत हाडे आणि दातदेखील पूर्णपणे नष्ट झाली. बॅक्टीरिया (मायक्रोब्स) मतदेहाला पूर्णपणे डिकम्पोज करावे यासाठी आम्ही तापमान जास्त ठेवले. रीकम्पोज प्रक्रियेत आधी प्राण्यांच्या मृतदेहामधून खत बनवले जायचे. वॉशिंग्टन यूनिव्हर्सिटीला कळाले की, ही प्रक्रिया मानवी मृतदेहासाठीही उपयोगी ठरेल.

Leave a Comment