नरेंद्र मोदींना ममता दिदींचे ओपन चॅलेंज, निवडणूक पश्चिम बंगालमधून लढवावी

ममता बॅनर्जींनी पत्रकारांनी मोदी यांच्याशी संबंधित प्रश्न विचारल्यानंतर हे उत्तर दिले. कोणत्याही मतदारसंघातून कोणीही निवडणूक लढवू शकतो. लोकशाहीने दिलेला हा अधिकार आहे. वाराणसी मतदारसंघातून मी देखील निवडणूक लढवू शकते. पण ते बंगालमधून जर लढले तर त्यांची अवस्था नोटाबंदीसारखी होईल. जनतेच्या न्यायालयात त्यांना दंडित केले जाईल.

पुढे त्या म्हणाल्या, त्यांनी देशाचे नुकसान केले असल्यामुळे लोकांना त्यांना उत्तर द्वावे लागेल. पश्चिम बंगालमधून त्यांनी निवडणूक लढल्यास आम्हाला खूप आनंद होईल. त्यांना एका मतदारसंघाची जर भीती वाटत असेल तर त्यांनी सर्वच ४२ जागांवरुन निवडणूक लढवावी.