नवी दिल्ली – रस्ते व महामार्ग मंत्री नितीन गडकरी यांनी रविवारी नागपूरमध्ये सांगितले की, राजकारणात येण्यासाठी गुणवत्ता आवश्यक नाही. टॉप करणारे अधिकारी बनतात तर नापास होणारे मंत्री बनतात. गडकरी यांनी यावेळी आपण पंतप्रधानांच्या शर्यतीत सहभागी नसल्याचे देखील स्पष्ट केले. मागील काही महिन्यांत आपल्या वक्तव्यामुळे चर्चेत राहणाऱ्या केंद्रीय मंत्री नितीन गडकरी यांनी म्हटले की, जो टॉप करतो तो आयएएस आणि आयपीएस बनतात. जो फक्त पास होतो तो मुख्य अभियंता बनतो, परंतु जो तीन वेळी नापास होतो, तो मंत्री बनतो.
नागपूरचे खासदार गडकरी यांनी येथे कार्यक्रमास संबोधित करताना हे वक्तव्य केले आहे. त्याचबरोबर आपण खोटे आश्वासन देते नाही आणि प्रामाणिकपणा आणि पारदर्शकता यासारखे मूल्य आपल्या कामात महत्वाचे असतात.
राजकारणात करिअर बनवण्यासाठी आवश्यक गुणांबद्दल एक प्रश्न विचारला असता, गडकरी म्हणाले राजकारण सामाजिक-आर्थिक सुधारणांचे एक साधन आहे. मी माझ्या कारकीर्दीत राजकारणाला करियर म्हणून कधीच निवडले नाही. माझ्या प्रारंभिक दिवसांपासून मी सामाजिक आणि आर्थिक सुधारणांचा राजकारण मानले आहे, मी ज्याद्वारे देश, समाज आणि गरीबांसाठी काहीतरी करू शकतो. राजकारणात कोणत्याही गुणवत्तेची गरज नाही. त्याचबरोबर राजकारण प्रामाणिकपणे केले पाहिजे, असे देखील म्हटले आहे.
गडकरी म्हणाले की आपण कधीही खोटे आश्वासन दिले नाही आणि जे मी बोलतो, ते मी करतोच करतोच… आणि माझ्याने ते होण्यासारखे नसले तर मी स्पष्टपणे नकार देतो. प्रामाणिकपणा, पारदर्शकता, धैर्य, गुणधर्म आणि कामावर बांधिलकी यांसारख्या मूल्यांचा वापर मोठ्या प्रमाणात केला जातो. ते म्हणाले की, राजकारण स्पर्धा आहे, जिथे लोकांच्या आकांक्षानुसार काम करावे लागते.