दक्षिण कोरिया आणि जपान या दोन देशांमधील वादग्रस्त असलेल्या दोकोदो बेटावर मागील २५० वर्षांपासून मानवी वावर बंद करण्यात आला आहे. पण दोन देशात ज्या बेटावरुन वाद सुरु आहे त्या रिकाम्या बेटावर किम सिन-योल या आजीबाई गेले २८ वर्षे राहत आहेत. या आजीबाईंची सध्या आंतरराष्ट्रीय प्रसारमाध्यमांच्या बातम्यांचा विषय ठरत आहेत.
या आजीबाई गेली अनेक वर्षे अनेक अडचणी आणि संघर्षाचा सामना करत या बेटावर एकट्याच राहत आहेत. किम सिन-योल या आजी दोकोदो बेटावरील एकमेव नागरिक आहेत. या आजीबाईंनी कितीही विनंती करुन देखील त्या काही केल्या हे बेट सोडायला तयार होत नाही. १९९१ मध्ये आपल्या पतीसोबत पहिल्यांदा किम सिन-योल ही आजी या बेटावर आली. तिच्या पतीचे गेल्याच वर्षी निधन झाले. ती पतीच्या निधनानंतरही या बेटाबाहेरच्या लोकवस्तीतर परतली नाही.
नैसर्गिक वायू आणि खनिजांनी दोकोदो हे बेट भरले असले तरीही जीवनावश्यक गरजा पूर्ण करण्यासाठी लागणाऱ्या गोष्टींचा प्रचंड भाव असल्यामुळे येथे राहणे या जोडप्यासाठी होते. या बेटाचा नजीकच्या लोकवस्तीशी (शहर) संपर्क खराब वातावरणामुळे अनेक महिन्यांसाठी आजही तूटतो.