बारामती लोकसभा मतदार संघातून निवडणूक लढवणार जानकर

जानकर म्हणाले की, आपला पक्ष हा नगर लोकसभा निवडणुकीसाठी राष्ट्रीय लोकशाही आघाडीसोबतच असल्याची ग्वाही देताना रालोआकडे लोकसभेसाठी पाच जागांचा आग्रह धरणार असल्याचे पक्षाचे राष्ट्रीय अध्यक्ष महादेव जानकर यांनी स्पष्ट केले आहे. त्यांनी ही माहिती नगरमध्ये माध्यमांशी बोलताना दिली.

पुढे ते म्हणाले की, बारामती हा माझा आवडता आणि प्रेमाचा मतदारसंघ असून मी निवडणूक बारामतीसह माढा, अहमदनगर दक्षिण, परभणी, हिंगोली मतदारसंघातून लढवू शकतो असेही त्यांनी यावेळी सांगितले. केंद्रात आणि राज्यात येणारे सरकार भाजपचे असणार आहे आणि राष्ट्रीय समाज पक्ष हा त्यातील एक घटक पक्ष राहिल असेही त्यांनी यावेळी सांगितले.