भारतीय मूळ असलेल्या अधिकाऱ्याचा ट्रम्प सरकारमधून राजीनामा

शाह हे 34 वर्षांचे असून ते ट्रम्प यांनी जानेवारी 2017 मध्ये सूत्रे हाती घेतल्यापासून त्यांच्या सरकारचा भाग होते. ते सध्या व्हाईट हाऊसचे उप प्रवक्ता होते. तसेच रिपब्लिकन राष्ट्रीय समितीतील ते संशोधक होते. सर्वोच्च न्यायालयात न्या. ब्रेट एम कॉवनाह यांची नियुक्ती करण्यासाठी सिनेटच्या सुनवाणीसाठी त्यांना तयार करण्याचे काम नुकतेच त्यांच्यावर सोपवण्यात आले होते.

शाह हे आता बलार्ड पार्टनर्स कंपनीची प्रकाशन शाखा असलेल्या ‘मीडिया ग्रुप’चे नेतृत्व करतील,असे न्यूयॉर्क टाईम्सने म्हटले आहे. ही एक अॅडव्होकसी संस्था असून तिची कार्यालये फ्लोरिडा आणि वॉशिंग्टनमध्ये आहेत. डेमोक्रेट नेते जेमी रूबिन यांच्यासोबत ते काम करतील. रूबिन हे माजी परराष्ट्रमंत्री मेडेलिन अलब्राईट यांचे प्रवक्ते होते.

व्हाईट हाऊसची जनसंपर्क कर्मचाऱ्यांपैकी अनेक जण अन्य सरकारी संस्थांमध्ये गेले आहेत किंवा ट्रम्प सरकारमधून पूर्णपणे बाहेर पडले आहेत. यातच शाह यांचीही भर पडली आहे.