गुजरातमधील तरुणीची लांबसडक केसामुळे गिनिज बुकमध्ये नोंद

निलांशी आपल्या या लांबसडक केसांबाबत म्हणते, मी सहावीत असताना एकदा हेयरकट करायला गेले होते. तो तेव्हा चुकला आणि मी अतिशय निराश झाले. मी तेव्हापासून परत कधीच केस न कापण्याचा निर्णय घेतल्यामुळे माझे केस एवढे लांब झाले आहेत. तिच्यासाठी या केसांची काळजी घेणे नक्कीच आव्हानात्मक असणार. ती त्याबाबत सांगताना म्हणते, आठड्यातून एकदा मी केस धुते. माझी आई ते धुण्यासाठी आणि विंचरण्यासाठी मला मदत करते असेही तिने सांगितले. ती म्हणते, मला माझ्या केसांमुळे खूप अडचणी येत असतील, असे लोकांना वाटते. पण असे अजिबात नाही. माझ्या एवढ्य़ा मोठ्या केसांबरोबरच मी खेळही खेळते. ते माझ्यासाठी लकी चार्म आहेत. इतके लांब असल्याने या केसांची मी वेणी घालते किंवा त्याचा डोक्यावर आंबाडा बांधते असेही ती म्हणाली.