व्होडाफोनने आणला १६९ रुपयांचा नवा प्लान

व्होडाफोनच्या नव्या प्रीपेड पॅकमध्ये अनलिमिटेड लोकल आणि नॅशनल कॉलिंग, मोफत रोमिंग, १ जीबी 3जी/4जी डेटा दरदिवशी दिला जाणार आहे. यासोबतच १०० एसएमएस प्रतिदिवस अशी सुविधा यामध्ये आहे. व्होडाफोनच्या या रिचार्जची सुविधा २८ दिवसांकरिता आहे. जिओच्या १४९ रुपये प्लानमध्ये अनलिमिटेड कॉलिंगसोबत १.५ जीबी ४ जी डेटा प्रत्येक दिवशी म्हणून एकूण ४२ जीबी डेटा तसेच १०० एसएमएस प्रत्येक दिवशी ऑफर केले आहे. या पॅकची वैधता ही २८ दिवसांची आहे.

अनलिमिटेड कॉलसोबत व्होडाफोनने काही लिमिट देखील ठेवण्यात आली असते. व्होडाफोनच्या पॅकमध्ये २५० मिनिट प्रत्येक दिवशी आणि १ हजार मिनिट प्रत्येक आठवड्याची लिमिट आहे. ही लिमिट संपल्यानंतर युझरकडून १.२ पैसा प्रति सेकंद किंवा १ रुपये प्रति मिनिट या हिशेबाने पैसे आकारले जातील. पण जिओच्या प्रत्येक रिचार्ज पॅकवर जिओ अॅप्स सूटचा मोफत ऐक्सेस मिळतो.