नव्या नियमावलीमुळे मार्च पर्यंत निम्मी एटीएम होणार बंद?

मिळालेल्या माहितीनुसार रिझर्व बँकेने एटीएम अफरातफरी आणि हॅकिंगवर नियंत्रण आणता यावे यासाठी देशातील सर्व बँकांना कॅश मॅनेजमेंट आणि स्टँडर्ड कॅश लोडिंग संदर्भात नवे नियम लागू केले असून त्यासाठी सध्याची एटीएम अपग्रेड करावी लागणार आहेत. हि पद्धत एटीएम संघटनांना अडचणीची असून यामुळे उद्योगात मोठी बेकारी येईल आणि पूर्ण अर्थव्यवस्था तसेच वित्तीय सेवांसाठी हानिकारक ठरेल असा दावा केला जात आहे. नियम पाळण्यासाठी एटीएम मध्ये जे बदल करावे लागणर आहेत त्यासाठी ३५०० कोटी रु.खर्च येणार आहे आणि एटीएम कंपन्या, ब्राऊन लेबल आणि व्हाईट लेबल एटीएम उत्पादक अगोदरच नुकसानीला सामोरे जात असल्याने त्यांना हा नवा खर्च परवडणारा नाही परिणामी एटीएम बंद होतील असे सांगितले जात आहे.