ई-सिगारेटमुळे हृदयविकाराचा धोका अधिक

कॅन्सरची शक्यता इलेक्ट्रॉनिक सिगारेटमुळे साधारण सिगारेटपेक्षा कमी असली तरी हृदयविकाराचा धोका धूम्रपानापेक्षाही अधिक असतो, असे या संशोधनातून समोर आले आहे. ६९ हजार ४५२ लोकांचा सहभाग या प्रयोगात होता. त्यापैकी ई-सिगारेटचा वापर करणाऱ्या लोकांना हृद्यविकाराचा झटका येऊन गेल्याचे प्रमाण इतर लोकांपेक्षा अधिक असल्याचे आढळून आले. पण ई-सिगरेटचे सेवन थांबवल्यानंतर तातडीने हृद्यविकाराची शक्यता कमी होत असल्याचे प्रयोगात आढळून आल्यामुळे हृद्यविकाराचा झटका येण्याआधीच हे व्यसन त्वरित सोडा.