चीनी कंपनीने कॉमिओ सी वन नावाने नवा स्मार्टफोन भारतीय बाजारात आणला असून फेशिअल रेक्ग्नीशन फिचरसह हा फोन डूअल सीम, ४ जी व्होल्ट सपोर्ट करणारा आहे. या फोनची किंमत ५५९९ रु. असून या फोनवर १ वर्ष १०० दिवसांची वॉरंटी, वन टाईम स्क्रीन ब्रोकेज वॉरंटी, ३० दिवसांसाठी रिप्लेसमेंट ऑफर, १ वर्षात परत केल्यास नवीन फोन खरेदीवर ४० टक्के सवलत अश्या अनेक सवलती दिल्या गेल्या आहेत. रिलायंस जीओने हा फोन खरेदी केल्यास २२०० रु. कॅशबॅक देऊ केला आहे.

या फोनला ५ इंची डिस्प्ले स्पिलीट स्क्रीन फिचरसह दिला गेला आहे. फोनला १.५ जीबी रॅम आणि १६ जीबी इंटरनल स्टोरेज असून मायक्रोएसडी कार्डच्या सहाय्याने ते १२८ जीबी पर्यंत वाढविण्याची सुविधा आहे. ऑटोफोकस सह ८ एमपीचा रिअर कॅमेरा आहे. फ्रंट कॅमेरा ५ एमपीचा असून फेशिअल रेक्ग्नीशन सपोर्ट करतो. या फोन साठी अँड्राईड ओरिओ ८.१ ओएस दिली गेली आहे.