चेन्नई – आयपीएलविरोधी आंदोलनात पोलिसांवर झालेल्या हल्ल्याचा सुपरस्टार रजनीकांत यांनी जोरदार निषेध केला आहे. रजनीकांत म्हणाले की, गणवेशातील पोलिसांवर झालेला हल्ला म्हणजे हिंसाचाराचे टोक असून हिंसाचाराची ही संस्कृती मुळासकट उखडून काढली नाही, तर ती देशासाठी मोठा धोका ठरेल.
வன்முறையின் உச்சகட்டமே சீருடையில் பணிபுரியும் காவலர்கள் தாக்கப்படுவது தான்.இத்தகைய வன்முறை கலாச்சாரத்தை உடனே கிள்ளி எறியவில்லை என்றால் நாட்டுக்கே பேராபத்து.சீருடையில் இருக்கும் காவலர்கள் மீது கை வைப்பவர்களை தண்டிக்க இன்னும் கடுமையான சட்டங்களை நாம் இயற்றவேண்டும். pic.twitter.com/05buIcQ1VS
— Rajinikanth (@rajinikanth) April 11, 2018
रजनीकांत म्हणाले की, गणवेशातील पोलिसांवर ज्यांनी हात टाकण्याची हिंमत केली, आपल्याला त्यांना कठोर शिक्षा होण्यासाठी अधिक कठोर कायदे लागू करायला हवे. आपल्या तामिळ भाषेत रजनीकांत यांनी केलेल्या ट्विटसोबत पोलिसांवर झालेल्या हल्ल्याचा एक व्हिडिओ देखील जोडला आहे.
चिदंबरम क्रिकेट मैदानाबाहेर मंगळवारी सायंकाळी कावेरी मुद्द्यावर आयपीएलला विरोध करणाऱ्या आंदोलकांनी मोठा गोंधळ घातला. चेन्नईत आयपीएलचा सामना तामिळ चळवळीच्या समर्थकांनी कावेरी व्यवस्थापन मंडळाची स्थापना झाल्याशिवाय खेळवण्यास विरोध करत हिंसक आंदोलन केले. पोलिसांनी या प्रकरणी ७८० आंदोलकांना ताब्यात घेतले आहे. यात ‘रजनी मक्कल मंद्रम’ या भविष्यात घोषणा होणाऱ्या राजकीय पक्षाच्या ५३ कार्यकर्त्यांचाही समावेश आहे.
