स्वीडनमधील लेपलँड मधील हॉटेल हे स्वतःच खूप अद्वितीय असून या हॉटेलची सजावट पाहून तुम्हाला आपण हॉलीवूड चित्रपटाच्या सेटकडे पाहत असल्यासारखे वाटेल. वास्तविक, हे हॉटेल पूर्णपणे बर्फापासून बनविले आहे. हॉटेलमधील सर्व गोष्टी बर्फापासून बनविली गेली आहेत. इमारत बांधणीपासून अंथरुणापर्यंत सर्व काही बर्फापासून बनलेले आहे. आश्चर्याची गोष्ट म्हणजे अशी कि या बर्फमय हॉटेलमध्ये रात्र घालवण्यासाठी येथे लोक येतात.
हॉटेल पाहण्यास खुपच सुंदर असून त्यातील तापमान -5 ते -8 अंश सेल्सिअसच्या दरम्यान असते. अशात बेडरुममध्ये फक्त स्लीप मॅट्स अंथरलेले असतात. तरीही हे हॉटेल लोकांच्या पसंतीस उतरत आहे. महत्वाचे म्हणजे या हॉटेलमध्ये सुमारे 35 व्हीआयपी सुइट्स आहेत. ज्याचे इंटेरिअर पाहून आपल्याला आश्चर्य नक्की वाटेल. हे जगातील अनेक प्रसिद्ध पर्यटन स्थळांनुसार डिझाइन केले गेले आहे. अतिथी येथे त्यांच्या पसंतीनुसार निवड करू शकतात.
याशिवाय, हॉटेलमध्ये पार्टीसाठी आइस सोसायरी हॉल आणि मुलांसाठी क्रिएटिव्ह झोन आहे. हे भव्य बांधकाम सुमारे ३००० क्यूबिक मीटर बर्फापासून तयार करण्यात आले आहे. हॉटेलच्या आतील सजावटीसाठी 500 टन स्पष्ट क्रिस्टल बर्फाचे आणि 1,000 टन हँड हात पॉलिश क्रिस्टल्सचा वापर केला होता. हे हॉटेल प्रत्येक वर्षी ख्रिसमसच्या निमित्ताने तयार केले जाते. येथे राहण्यासाठी अतिथीला प्रति व्यक्ती रुपये 10,000 ते 1 लाख रुपये खर्च करावे लागतात.