उद्योगपती मुकेश अंबानी यांनी शून्य किंमतीत उपलब्ध केलेल्या जिओ फोनसाठी देशभरातून लक्षावधी लोकांनी बुकींग केले असून या फोनची डिलिव्हरी प्रथम देशातील पाच शहरात केली जाणार असल्याचे समजते. दररोज १ लाख याप्रमाणे फोनचे वितरण केले जाणार आहे. यात सर्वप्रथम दिल्ली, मुंबई, कोलकाता, हैद्राबाद, अहमदाबाद या शहरांचा समावेश आहे.
या शहरातील डिलिव्हरी नंतर जिओ सेंटर व रिलायन्स जिओ स्टोअर्समध्ये हे फोन उपलब्ध केले जाणार आहेत असेही समजते. त्यानंतर रिटेलर्स कडे व डिलर्सकडे त्यांचा पुरवठा होणार आहे. या फोनसाठी २.४ इंची स्क्रिन, एफ एम रेडिओ, टॉर्चलाईट, ४ जीबी मेमरी, मायक्रोकार्डच्या सहाय्याने ती ३२ जीबी पर्यंत वाढविण्याची सुविधा दिली गेली आहे. त्यात जिओ चॅटसह अनेक अॅप प्रिइन्स्टॉल असतील. हे फोन तैवान मध्ये तयार केले जात असल्याचेही समजते.