योगगुरूबरोबरच मार्केटगुरू अशी प्रसिद्धी मिळविलेल्या रामदेवबाबांच्या पतंजली आयुर्वेद तर्फे दिवाळीच्या सुमारास बाजारात दिव्य जल हे बाटलीबंद पाणी सादर केले जात आहे. पतंजलीच्या या नव्या उत्पादनातून वर्षाला १ हजार कोटींचा व्यवसाय करण्याचे ध्येय ठरविले गेले आहे. रामदेवबाबा हे पाणी थेट हिमालयातून आणून ग्राहकांना पाजणार आहेत. दिवाळीत हे बाटलीबंद पाणी प्रथम उत्तर भारतात लाँच केले जाईल व नंतर संपूर्ण देशभर ते उपलब्ध होईल असे समजते.
या पाण्याच्या बाटल्यांचे पॅकींग हरिद्वार व लखनौ येथील प्रकल्पात केले जाणार आहे. लखनौ प्रकल्पाची क्षमता दिवसाला १ लाख बाटल्या पॅक करण्याची आहे. सध्या भारतात बाटलीबंद पाण्याच्या क्षेत्रात तगडी स्पर्धा आहे व सध्या या क्षेत्रात बिसलेरी लिडर आहे. या बाजारात बिसलेरीचा वाटा २४ टक्के आहे.