एसी डब्यात आता मिळणार नाही ब्लँकेट ?

रेल्वेत एका ब्लँकेटच्या धुलाईचा खर्च55 रुपये एवढा होतो, मात्र रेल्वे प्रवाशांकडून फक्त 22 रुपये घेते.

ब्लँकेटच्या धुलाईवर रेल्वेला खूप खर्च करावा लागतो. तरीही ब्लँकेट कधी-कधी नीट स्वच्छ होत नाहीत. त्याची तक्रार प्रवाशी करतात. हे ब्लँकेट फक्त वातानुकूलित वर्गातील प्रवाशांना दिले जातात. त्यामुळे वातानुकूलित वर्गातील थंडी कमी करावे, जेणेकरूनम प्रवाशांना ब्लँकेटची गरज पडणार नाही, असे सूत्रांनी सांगितले.

रेल्वे मंत्रालय दोन पर्यायांचा विचार करत आहे. यातील एका पर्यायानुसार वातानुकूलित डब्यांतील तपमान वाढविण्यात येईल. दुसऱ्या पर्यायानुसार ब्लँकेटऐवजी कव्हर दिले जाईल कारण ब्लँकेटच्या तुलनेत कव्हरची धुलाई सोपी आहे, असे सूत्रांनी सांगितले.