जगात अत्याधुनिक तंत्रज्ञानामुळे इलेक्ट्राॅनिक्स विश्वात वेगाने बदल होत आहेत. याची चुणुक दाखविणारा फोल्डेबल संगणक किंवा लॅपटॉप लेनोव्होने अमेरिकेतील न्यूयॉर्क इव्हेंटमध्ये सादर केला आहे. अर्थात हा कन्सेप्ट लॅपटॉप आहे व प्रत्यक्षात त्याचे उत्पादन बाजारासाठी केले जाईल का नाही याविषयी कंपनीने अद्यापी कोणतीही घोषणा केलेली नाही. मात्र हे लॅपटॉप बाजारात आले तर पीसी व लॅपटॉप क्षेत्रात क्रांती घडवतील याची खात्री व्यक्त केली जात आहे.
या लॅपटॉपचा स्क्रीन वाकणारा म्हणजे फोल्डेबल आहे. हा स्क्रीन अर्धा वाकतो व लॅपटॉप फाईल प्रमाणे दिसतो. लॅपटॉपचा स्क्रीन की बोर्डच्या दिशेने वाकतो. या लॅपटॉपवरून गप्पा मारणे अथवा अन्य आवश्यक संभाषण करणे शक्य आहे. भविष्यातील लॅपटोपची झलक म्हणून याच्याकडे पाहिले जात आहे.