उबेरईट अॅप लवकरच भारतात

या विषयी माहिती देताना आशिया पॅसिफिकचे प्रमुख एलन पेन म्हणाले, भारतात हे अॅप लाँच करण्यास आम्ही उत्सुक आहोत. भारतातली आमची ही महत्त्वपूर्ण गुंतवणूक असेल. यामुळे फूड इंडस्ट्रीत अभूतपूर्व बदल घडून येणे शक्य आहे. कॅब सव्र्हिस तंत्रज्ञानावरच या अॅपचे तंत्रज्ञान बेतले गेले आहे. भारतातील विविध शहरातील रेस्टॉरंटबरोबर त्वरीत डिलिव्हरीसाठी करार केले जात आहेत. अर्थात ही सेवा देणारी उबेर ही पहिली कॅब कंपनी नाही. यापूर्वी ओलानेही ओला कॅफे नावाने किराणा सामान घरपोच देण्याची सेवा सुरू केली होती. मात्र झोमोटो व अन्य कंपन्यांशी स्पर्धा करणे अशक्य झाल्याने ती वर्षभरात बंद केली गेली होती.