पॉवरफुल रॅमचा स्मार्टफोन सर्वप्रथम आणण्याची संधी एसटीसीने साधली असून त्यांचा अत्यंत आकर्षक लूकचा एक्स ११ हा नवा स्मार्टफोन जानेवारी २०१७ मध्ये लाँच होत आहे. एचटीसीच्या या फ्लॅगशीप मिडरेंज स्मार्टफोनसाठी ८ जीबी रॅम दिली गेली आहे. तसेच स्नॅपड्रॅगन ८३५ प्रो अॅड्रेनो ५४० ग्राफिक्स प्रोसेसिंग युनिटमुळे त्याचा परफार्मन्स उत्तम राहील. ८ जीबी रॅममुळे हा फोन हँग होणार नाही असा दावा कंपनीने केला आहे.
या फोनचे फिचर्स उत्तम दर्जाचे आहेत. ५.५ इंची क्यूएचडी डिस्प्ले स्क्रीन, अँड्राईड नगेट ७.० वर एचटीसीच्या सेन्स ८ युजर इंटरफेसवर तो काम करेल. फोनला तीन कॅमेरे आहेत. त्यात १२ एमपीचे दोन रियर कॅमेरे व ८ एमपीचा सेल्फी कॅमेरा दिला गेला आहे. फोनची इंटरनल मेमरी २५६ जीबीची आहे व त्याला ३७०० एमएएच बॅटरी आहे. फोनची किंमत ६५१ डॉलर्स इतकी आहे.