सोशल मिडियावर सध्या स्मार्टफोन चार्ज करणार्या केबलच्या एका व्हिडीओने धुमाकुळ घातला आहे. मॅग्नेटच्या मदतीने काम करणारी ही केबल स्मार्टफोन वेगाने चार्ज करतेच पण स्मार्टफोनच्या संपर्कात आल्याबरोबर ती आपोआप कनेक्ट होते व फोन चार्ज केला जातो. मॅग्नेटिक केबल नेक्स्ट जनरेशन अशी ओळख निर्माण झालेल्या या केबलला अँड्राईड व आयफोन साठी वेगळे कनेक्टर दिले गेले आहेत.
या केबलला २.४ अॅपियरचा सपोर्ट दिला गेला आहे व त्यामुळे फोन वेगाने चार्ज होतो. या केबलच्या ३० हजार टेस्ट घेतल्याचा दावा कंपनीने केला आहे. ऑनलाईन स्टोअर्समध्ये ही १ मीटर लांबीची केबल १०८४ रूपयांना रोझ, रेाझ गोल्ड व सिल्व्हर अशा तीन रंगात उपलब्ध आहे. या केबलमुळे वायर ओढली जाण्याचा धोका राहात नाही तसेच चार्जिंग सुरू असताना फोन केबलपासून सुटून खाली पडण्याचा धोकाही नाही. ही केबल १ सेकंदात फोनला जोडली जाते.