अल्काटेलने भारतात त्यांचा नवा आयडॉल फोर स्मार्टफोन लाँच केला असून तो सध्या फक्त फ्लिपकार्टवरच उपलब्ध आहे. व्हीआर हेडसेट व आयबीएल हेडफोन्ससह असलेल्या या फोनला एक बूम की देण्यात आली आहे. तिच्या सहाय्याने कॅमेरा, गॅलरी, व्हिडीओ, गेम्स, व अन्य अॅप्स अॅक्सेस करता येणार आहेत. या फोनची किंमत आहे १६९९९ रूपये.

ड्युल सिमच्या या फोनला अँड्राईड मार्शमेलो ६.० ओएस, ५.२ इंची फुल एचडी डिस्प्ले, ३ जीबी रॅम, अॅड्रीनो ४०५ जीपीयू, १६ जीबी इंटरनल मेमरी, मायक्रोकार्डच्या सहाय्याने ५१२ जीबी पर्यंत वाढविण्याची सुविधा, १३ एमपीचा रियर कॅमेरा ड्यूल एलईडी सह तर फ्रंट कॅमेरा ८ एमपी, क्विकचार्ज टेक्नॉलॉजी २.० सह बॅटरी अशी फिचर्स दिली गेली आहे. हा फोन फोरजी, एलटीएफ, ब्ल्यूटूथ, वायफाय अशा कनेक्टिव्हीटी ऑप्शन्ससह आहे. डार्क ग्रे, मेटल सिल्व्हर, गोल्ड अशा रंगात तो उपलब्ध आहे.