ब्लॅकबेरीचा शेवटचा स्मार्टफोन भारतात लाँच

ब्लॅकबेरीने त्यांचे लेटेस्ट अँड्राईड स्मार्टफोन डीटीईके ६० व डीटीईके ५० भारतात लाँच केले असून त्यातील डीटीईके ६० हा कंपनीचा शेवटचा स्मार्टफोन असल्याचे समजते. हे दोन्ही फोन नुकतेच अमेरिकेत लाँच केले गेले आहेत. हे दोन्ही फोन प्रथम दर्शनात अल्काटेल आयडॉल फोर एस सारखे आहेत व त्याच्या स्पेसिफिकेशनही तशाच आहेत. मात्र यात खास ब्लॅकबेरी सिक्युरिटी फिचर्स व डीटीईके ब्लॅकबेरी नावाचे अॅप दिले गेले आहे. हे अॅप फोनची ओएस व अॅप्स मॉनिटर करून युजरची प्रायव्हसी कधी धोक्यात आहे याची सूचना देते. या फोनना कस्टमाईजेबल ब्लॅकबेरी कन्व्हीनियन्सही दिले गेले आहे त्यामुळे व्हाईस कॉल सुरू असताना त्याचा म्यूट की सारखा वापर करता येतो.