मुंबई: चीनमध्ये सुरु असलेल्या चेंगदू मोटर शोदरम्यान कार कंपनी ह्युंदाईने नवी ‘वेरना’ कार जगासमोर आणली आहे. या वर्षाच्या शेवटपर्यंत चीनमध्ये नवी वेरना लाँच करण्यात येणार असून २०१७ पर्यंत ही कार भारतात लाँच होईल.
फ्लूडिक स्कल्पचर २.० डिझाइन थीमवर ही कार तयार करण्यात आली आहे. यामध्ये फ्रंटमध्ये नव्या हैक्सागोनल ग्रिल देण्यात आल्या आहेत. यामध्ये दोन आणि स्वेप्ट-बॅक प्रोजेक्टर हॅण्डलॅप्स आणि डे-टाइम रनिंग एलईडी लाइट देण्यात आल्या आहेत. ज्या फारच आकर्षक वाटत आहेत.
या कारच्या साईड प्रोफाइलमध्ये फार मोठे बदल करण्यात आलेले नाहीत. यामध्ये डायमंड कट अलॉय व्हिल्स देण्यात आले आहेत. नवी वेरना पहिल्यापेक्षा ५ एमएम लांब आणि २८ एमएम जास्त रुंद आहे. याच्या व्हीलबेसला ३० एमएमपर्यंत वाढविण्यात आले आहे. पण याची उंची थोडी कमी करण्यात आली आहे. नव्या वेरनामध्ये १.४ आणि १.६ लीटर पेट्रोल इंजिन देण्यात आले आहे. तसेच यामध्ये 6-स्पीड ऑटोमॅटिक गिअरबॉक्स देखील असणार आहे.