न्यूयॉर्क : नासामधील शास्त्रज्ञांना पृथ्वीसारखाच एक ग्रह सूर्याजवळ फिरताना आढळला असून हा ग्रह सूर्याच्या अगदी जवळ दिसला असून त्यावर अंधुक प्रकाशही असल्याचे स्पष्ट झाले आहे. अंतराळ संशोधनात ही महत्वाची घटना असल्याने आता या ग्रहावर जीवसृष्टी आहे का याचा शोध घेण्याचा प्रयत्न शास्त्रज्ञ करणार आहेत.

सध्या ३१ शास्त्रज्ञांची टीम या ग्रहाबद्दल संशोधन करत आहे. प्रॉक्झिमा बी असे नाव या ग्रहाला देण्यात आले आहे. हा ग्रह पृथ्वीपेक्षा १.३ मोठा असून फक्त ११ दिवसांमध्ये सूर्याचे परिभ्रमण करतो. तसेच हा ग्रह एकटा भ्रमण करत नसल्याचा अंदाजही शास्त्रज्ञांनी वर्तवला आहे. हा ग्रह सर्वप्रथम २०१३ साली दिसून आला होता, त्याबद्दल आता नवीन खुलासे समोर आल्याने डिस्कव्हरीने १०० दशलक्ष डॉलरची मोहिम आखण्याचे ठरवले आहे. पृथ्वीव्यतिरीक्त अन्य कुठल्या ग्रहावर वातावरण आणि पाण्याचा अंश आहे का याचाही शोध संशोधक बऱ्याच काळापासून घेत आहेत.