एलजीचा व्ही २० अँड्राईड नगेटसह पुढील महिन्यात येणार

दक्षिण कोरियन टेक जायंट एलजीने त्यांचा नवा व्ही २० स्मार्टफोन अँड्राईड नगेट ७.० ओएस सह येणार असल्याचे जाहीर केले आहे. अँड्राईडची ही नवी ओएस पुढील महिन्यात लाँच होत असून त्या पाठोपाठच एलजी हा नवा स्मार्टफोन बाजारात आणत आहे. हा फोन व्ही १० चे अपग्रेड व्हर्जन असल्याचेही सांगितले जात आहे. व्ही २० युजरला उत्तम दर्जाचा मल्टीमिडीया अनुभव देईल असाही कंपनीचा दावा आहे. अर्थात फोनबाबतचे अन्य तपशील अद्यापी जाहीर केले गेलेले नाहीत.