मुंबई – युरोपिअन महासंघातून ब्रिटनने बाहेर पडण्याचा निर्णय घेतल्याचा परिणाम बाजारपेठेवर मोठ्या प्रमाणात झाला असून तब्बल ४ लाख कोटींचे नुकसान शेअर बाजारात गुंतवणूक करणा-यांना झाले आहे. बाजार उघडल्यानंतर काही मिनिटातंच गुंतवणूकदारांना हा फटका बसला असून सोने आणि चांदीच्या दरातही विक्रमी वाढ झाली आहे.
ब्रेक्झिटमुळे बाजार उघडण्याआधीच सेन्सेक्स तब्बल ९०० अंकांनी गडगडला होता. ३१ वर्षातील निच्चांक पाऊंडने गाठला होता. डॉलरच्या तुलनेत पाऊंड ९ टक्क्यांनी घसरला होता. सेन्सेक्सवरही याचा परिणाम झाला असून १००० अंकांनी गडगडला होता. २६ हजाराच्या खाली सेन्सेक्स आला होता. निफ्टी आणि रुपयामध्येदेखील घसरण झाली होती. जपानमधील शेअर बाजारात ८ टक्क्यांनी घसरण झाली. तिथे सर्किट ब्रेकर लावून बाजाराचे काम दहा मिनिटांसाठी स्थगित करण्यात आले होते.