श्रीहरीकोट्टा (आंध्रप्रदेश) – भारतीय अंतराळ संशोधन संस्थेने (इस्रो) देशातील विविध स्थानांची नेमकी माहिती पुरविण्याच्या उद्देशाने पीएसएलव्ही-सी३३ ध्रुवीय उपग्रह प्रक्षेपकाच्या साह्याने आयआरएनएसएस-१जी या उपग्रहाचे प्रक्षेपण केले. नौकानयन (नेव्हिगेशन) करणारा हा भारताचा या मालिकेतील सातवा आणि शेवटचा उपग्रह आहे.

आज (गुरुवार) चार स्तर असलेल्या पीएसएलव्ही प्रक्षेपकाने आंध्रप्रदेशातील श्रीहरीकोट्टा या बेटावरून १२ वाजून ५० मिनिटांनी सतीश धवन अंतराळ केंद्रावरून प्रक्षेपण करण्यात आले. इस्रोच्या या मोहिमेचे ‘काउंटडाऊन‘ मंगळवारी सकाळी ९ वाजून २० मिनिटांनी सुरू झाले. या उपग्रहावर दोन नौकानयन व रेंजिंगची यंत्रणा असून, त्याचे जीवनामान बारा वर्षे आहे.