खजुराहो मंदिरांचे ड्रोनने फोटो घेणारा पर्यटक अटकेत

मिळालेल्या माहितीनुसार २६ वर्षीय डेरेक बासीमीर हा अमेरिकन पर्यटक या मंदिरापासून जवळ असलेल्या एका खासगी हॉटेलमध्ये उतरला होता व पश्चिम मंदिर समूह व चौसष्ठ योगिनी मंदिराचे फोटो ड्रोनच्या सहाय्याने काढत होता. तो या मंदिरांचे व्हिडीओ चित्रणही करत होता. एकवेळ त्याला त्यासंदर्भात सूचना देऊनही दुसरे दिवशी त्याने पुन्हा फोटो काढल्यानंतर त्याला पुरातत्व वास्तू व अवशेष कायदा १९५८ नुसार ताब्यात घेण्यात आले.

दहशतवादी संघटनांच्या पुरातत्त्व वास्तूंवर हल्ले करण्याच्या योजना उघडकीस आल्यापासून येथे कर्मचार्‍यांना विशेष सतर्क राहण्याचे आदेश दिले गेले आहेत.