मानवी गर्भात जनुकीय बदल करण्यास ब्रिटीश सरकारची अनुमती

अनेक महिलांना गर्भपात किंवा वंध्यत्व या समस्यांना सामोरे जावे लागते. या समस्या सोडविण्यासाठी ही अनुमती देण्यात आली आहे, असे ब्रिटीश सरकारचे म्हणणे आहे. गर्भात जनुकीय बदल केल्यास गर्भपाताची शक्यता टाळता येते. तसेच वंध्यत्वावरही मात करता येऊ शकते, असे शास्त्रज्ञांचे प्रतिपादन आहे.

मानवी गर्भाच्या जनुकांवर संशोधन करून त्यात सुधारणा केल्यास गर्भाची वाढ आणि गर्भाची रचना यातील अनेक दोष टाळता येऊ शकतात. अपंगत्व, मूकबधीरपणा, रक्तदोष इत्यादी जन्मजात समस्यांवर सध्या उपलब्ध असणाऱया अत्याधुनिक वैद्यक शास्त्रातही खात्रीचे उपाय नाहीत. पण जनुकीय अभ्यासातून हे उपाय शोधण्याच्या दृष्टीने दिशा मिळू शकते, असे संशोधकांचा दावा आहे.