नवी दिल्ली – २०१५ संपण्याच्या अगोदर जगातील सर्वात मोठी सर्च वेबसाइट गुगलने भारतामध्ये मुख्य सर्च करण्यात येणा-या वेबसाइटची यादी जाहीर केली असून ई-कॉमर्स कंपन्या या यादीमध्ये अव्वल राहिल्या आहेत. गुगलवर होणा-या मुख्य १० सर्च वेबसाइटमध्ये चार ई-कॉमर्स कंपन्यांचा समावेश करण्यात आला आहे. यामध्ये फ्लिपकार्ट आघाडीवर आहे.

गुगलवर नागरिकांनी रेल्वेची विविध सेवा उपलब्ध करून देणाऱया आयआरसीटीसीच्या वेबसाइटलाही मोठय़ा प्रमाणात सर्च केले आहे. यामध्ये ही वेबसाइट दुस-या क्रमाकांवर आहे. गुगलवर मोबाईल फोन सर्च करण्यामध्ये चीनची स्मार्टफोन कंपनी यु यूरेका सर्वाधिक सर्च करण्यात आली आहे. तर अॅपल दुस-या क्रमाकांवर आहे.