पहिले टेस्टट्यूब पपी जन्मले

मानवाला आयव्हीएफ म्हणजे कृत्रिम प्रजनन प्रणालीमुळे स्वतःचे अपत्य जन्माला घालण्याचे वरदान संशोधकांच्या प्रयत्नातून मिळाले असतानाच आता दुर्मिळ होत चाललेल्या कुत्र्यांच्या प्रजाती जन्माला घालण्यासाठीही हेच वरदान उपयुक्त ठरले आहे. गेली कांही वर्षे म्हणजे अगदी ७० च्या दशकापासून त्यासाठी संशोधक संशोधन करत होते मात्र त्यांच्या प्रयत्नांना जून २०१५ मध्ये यश मिळाले आहे. या तंत्रज्ञानाच्या सहाय्याने सात बीगल व बीगल कॉकर स्पेनियल मिश्र जमातीची पिल्ले जन्माला आली आहेत. जून २०१५ मध्येच ही पिले जन्मली असली तरी सायन्स मासिकात हे संशोधन प्रसिद्ध होईपर्यंत ही बातमी गुप्त ठेवली गेली होती असे सांगितले जात आहे.