जगातला पहिला मॉड्युलर फेअरफोन टू सादर

गुगलने त्यांच्या आरा प्रोजेक्टद्वारे ग्राहकाच्या गरजेनुसार त्याला स्वतःला असेंबल करता येईल असा स्मार्टफोन बनविण्याच्या प्रकल्पावर काम सुरू केले असतानाच फेअरफोन कंपनीने जगातला पहिला कस्टमाईज्ड म्हणजे स्वतःच्या गरजेनुसार जुळणी करता येणारा स्मार्टफोन फेअरफोन टू नावाने बाजारात आणला जात असल्याची घोषणा केली आहे. या फोनचे शिपिंग डिसेंबरपासून सुरू होत आहे मात्र सध्या तो फक्त युरोपमध्येच उपलब्ध होणार आहे. फोनची किंमत ५२९.३८ युरो म्हणजे अंदाजे ३८ हजार रूपये आहे.