सॅमसंग आणणार ६ जीबी रॅमवाले स्मार्टफोन

6gb
आजच्या तंत्रज्ञान क्षेत्रात वेगाचे महत्त्व वेळीच ओळखून सॅमसंगने ६ जीबी रॅम असलेले स्मार्टफोन बाजारात आणण्याच्या दृष्टीने कामास सुरवात केली असल्याचे जाहीर केले आहे. लवकरच ६ जीबी रॅमचे स्मार्टफोन बाजारात दाखल होतील असे कंपनीतील सूत्रांकडून सांगितले गेले आहे. ही रॅम २० एनएम टेक्नॉलॉजीवर आधारित आहे.

सध्या बाजारात फोर जीबी रॅमपर्यंतचा वापर स्मार्टफोनमध्ये होत आहे. हे फोनही अतिशय वेगवान आणि पॉवरफुल आहेत. मात्र ६ जीबी रॅम आल्यानंतर स्मार्टफोनचा वेग आणखी वाढणार आहे. हे फोन सध्याच्या स्मार्टफोनच्या तुलनेत किमान ३० टक्के अधिक वेगवान असतीलच पण ते २० टक्के कमी पॉवर वापरण्यासही सक्षम असतील असे समजते.

Leave a Comment