१५ हजार एटीएम बसविणार सरकारी बँका

जनधन योजनेत आतापर्यंत १७ कोटींपेक्षा अधिक खाती उघडण्यात आली आहेत. त्याचबरोबर १५ कोटी रुपये कार्डही जारी करण्यात आली आहेत. यामुळे लहान शहरांमध्ये आणि ग्रामीण भागात या कार्डचा वापर वाढवण्यासाठी अधिक एटीएमची गरज भासणार आहे. याशिवाय एलपीजी, मनरेगा आणि केरोसीनवरील अनुदान थेट ग्राहकांच्या बँक खात्यात टाकले जात आहे. त्यामुळे गावागावांमध्ये एटीएम असणे आवश्यक झाले आहे. या आर्थिक वर्षात एसबीआय २ हजार, बँक ऑफ बडोदा १९७०, पंजाब नॅशनल बँक १७००, देना बँक १२००, कॅनरा बँक १ हजार आणि आंध्र बँक १ हजार एटीएम बसविणार आहे. मार्च २०१५ पर्यंत देशभरात एकूण १ लाख २५ हजार ७९० एटीएम आहेत.