मिनी कूपरची सहा दरवाज्याची क्लबमन कार

नवीन क्लबमन कारही कंपनीच्या अन्य कारप्रमाणेच दिसायला गोलमटोल आहे. याचे वैशिष्ट म्हणजे कारला सहा दरवाजे आहेत. दोन्ही बाजूला दोन दोन आणि मागच्या बाजूला दोन दरवाजे असून कारचे टेललँप नेहमीप्रमाणे उभे नसून आडवे आहेत. पाच सीटर आणि सामानासाठी व्यवस्थित जागा असलेली ही कार भारतातही लवकरच दाखल होईल असे सांगितले जात आहे. पेट्रोल आणि डिझेल अशा दोन्ही व्हेरियंटमध्ये ही कार उपलब्ध करून दिली जात आहे. कारची अधिकृत किंमत किंवा कार कधीपासून विक्रीसाठी उपलब्ध होणार याबाबत कंपनी लवकरच खुलासा करणार असल्याचे सांगितले जात आहे.