ताजमहालात शहाजहान उरूसात ८१० मीटरची चादर

आग्रा – ताजमहाल या जगप्रसिद्ध पर्यटन स्थळी येत्या १५ मे पासून सुरू होत असलेल्या बादशहा शहाजहान उरूसात यंदा ८१० मीटर लांबीची चादर चढविली जाणार आहे. खुद्दाम ए रोजा कमिटीतर्फे ही सतरंगी चादर तयार करण्याचे काम युद्धपातळीवर सुरू आहे. या तीन दिवसांच्या उरूसाची सुरवात १५ मे रोजी गुस्ल की रस्मने होणार असून शेवटच्या दिवशी ही भली थोरली चादर चढविण्याचा कार्यक्रम होणार आहे.