नवी दिल्ली – केंद्रीय आरोग्य व कुटूंब कल्याण मंत्रालय ८ मार्च २०१५ हा आंतरराष्ट्रीय महिला दिन महिलांच्या आरोग्याची आपली बांधिलकी दर्शविण्यासाठी ‘सुरक्षित मातृत्व दिन’ म्हणून साजरा करणार आहे, केंद्रीय आरोग्य व कुटूंब कल्याण मंत्री जे. पी. नड्डा यांनी आज नवी दिल्लीत ही माहिती दिली.
तसेच ८ ते १० मार्च २०१५ दरम्यान देशभरात महिलांच्या आरोग्यासंदर्भात एक मोहिम राबविण्यात येईल व त्यासंबंधी विविध कार्यक्रम आयोजिण्यात येतील अशीही माहिती त्यांनी दिली.
या तीन दिवसात सर्व सरकारी आरोग्य केंद्र, जिल्हा रुग्णालये येथे येणाऱ्या महिलांची विनामूल्य वैद्यकीय तपासणी केली जाईल. त्यांचे छातीचा कॅन्सर व मानेचा कॅन्सर यासाठी परीक्षण केले जाईल. प्रसुतीपूर्व व प्रसुतीनंतरची काळजी, महिला-बाल रक्षण कार्डाचे वाटप इ. कार्यक्रम विनामूल्य घेतले जातील. याशिवाय, राज्यातील प्रत्येक गटातील एक ‘आशा’ कार्यकर्ताचा तिच्या महिला सबलीकरण व सामूदायिक आरोग्य या क्षेत्रातील कार्याबद्दल गौरव केला जाणार आहे.