मुंबई : बार्सिलोनामध्ये आतापर्यंतचा सर्वात बहुचर्चित स्मार्टफोन ‘एचटीसी वन एम९’ एचटीसी कंपनीने लाँच केला असून सॅमसंगचा अग्रगण्य स्मार्टफोन ‘सॅमसंग गॅलक्सी एस ६ ला शह देण्यासाठी एचटीसी वन एम ९ हा लाँच केल्याचे म्हटले जात आहे. मोबाईल वर्ल्ड काँग्रेसमध्ये सॅमसंग आणि एचटीसी या दोन्ही कंपन्या आमनेसामने आहेत.
एचटीसी वन एम९ चे डिझाईन बऱ्यापैकी एम८ शी मिळते जुळते असून किंबहुना एचटीसी वन एम ९ हा एम ८ चे अपग्रेडेड वर्जन आहे. एचटीसीने लक्झरी फोन म्हणून एचटीसी वन एम ९ ग्राहकांना सादर केला असून या फोनची बॉडी पूर्णपणे मेटॅलिक असून गोल्डन ब्लेझ आहे.
वन एम ९ ची वैशिष्ट्ये – २०.७ मेगापिक्सेलचा रेअर कॅम, सेल्फी कॅम ८ अल्ट्रापिक्सेल, २GHz क्वॉर्ड-कोअर स्नॅपड्रॅगन ८१० प्रोसेसर, ३ जीबी रॅम, ३२ जीबी इंटर्नल मेमरी, अपग्रेडेबल अँड्रॉइड ५.० लॉलीपॉप ऑपरेटिंग सिस्टम, ५ इंच स्क्रीन, फुल एचडी डिस्प्ले, किंमत सुमारे ४० हजार रुपये.