एचटीसीचा एम नाईन स्मार्टफोन लवकरच येणार

एचटीसी त्यांचा नवा फ्लॅगशीप स्मार्टफोन एचटीसी वन एम नाईन बार्सिलोनात २ ते ५ मार्च दरम्यान भरणार्‍या मोबाईल वर्ल्ड कॉग्रेंसमध्ये सादर करणार असल्याचे संकेत दिले जात आहेत. लास वेगास येथील कंझ्युमर इलेक्ट्रोनिक शो नुकताच संपला असताना आता मोबाईल वर्ल्ड कॉग्रेस २०१५ मध्ये कोणती नवी गॅजेट येतील याचे अंदाज वर्तविले जाऊ लागले आहेत. त्यात सॅमसंग गॅलेक्सी एस सिक्स सादर होईल असेही कांही सूत्रांकडून समजते. त्याचबरोबर एचटीसी जो नवीन फोन सादर करणार आहे तो एम नाईनच असेल अशीही खात्री दिली जात आहे.