आरोग्याच्या बाबतीत गुजरातमध्ये बेजबाबदारपणा

२०१३ मध्ये रक्ताच्या आदान-प्रदानामुळे एचआयव्हीची बाधा झालेल्यांची संख्या २७१ होती. देशात याबाबतीत गुजरात अव्वल क्रमांकावर आहे. पण गेल्या सहा वर्षातील हा आकडा २५०० च्या वर आहे. बेजबाबदार आरोग्य विभाग आणि ब्लड बँकेच्या निष्काळची व्यवस्थापनामुळेच हा प्रकार घडल्याचे सांगण्यात येत आहे. माहिती अधिकारांतर्गत माहिती देताना राष्ट्रीय एड्स नियंत्रण संस्था (NACO) आणि आरोग्य मंत्रालयाने २००८ ते २०१३ दरम्यानची आकडेवारी जाहीर केली आहे. यानुसार गुजरातमध्ये २००८ साली १९२, २००९ मध्ये ५६३ आणि २०१३ मध्ये २७१ जणांना रक्ताच्या आदान-प्रदानातून एचआयव्हीची बाधा झाल्याची धककादायक माहिती समोर आली आहे.