रेडमी नोट ४ जी ६ सेकंदात सोल्ड आऊट

रेडमी नोट फोर जी साठी तब्बल २ लाख लोकांनी नोंदणी केली होती. रेडमी नोट फोर जी आता ६ जानेवारीला पुन्हा विक्रीसाठी उपलब्ध करून दिला जाणार असून त्यासोबत रेडमी वन एस ही विक्रीसाठी येणार आहे. यासाठीही पूर्वनोंदणी आवश्यक असून ती ३० डिसेंबरपासून सुरू झाली असल्याचे कंपनीने कळविले आहे. रेडमी नोट फोर जी भारतातील सहा शहरांत एअरसेल स्टोअर्समध्येही मिळणार आहे मात्र अद्यापी या शहरांची नांवे जाहीर केली गेलेली नाहीत. ९९९९ रूपयांत हा स्मार्टफोन ग्राहकांना उपलब्ध आहे. एअरसेलच्या स्टोअर्समधून हा फोन खरेदी करायचा असेल तर त्यासाठी वेगळी नोंदणी करावी लागणार असल्याचेही समजते.