मुंबईत क्षयरुग्णांची संख्या धक्कादायक

गोवंडीमध्ये वाढत चाललेली टीबी रुग्णांची संख्या ही आता धोक्याच्या पातळीनजीक असताना याला आळा घालण्यासाठी फारसे प्रयत्न होताना मात्र दिसत नाहीत. मुंबईत दरवर्षी सुमारे पन्नास हजार टीबी रुग्ण आढळतात. त्यातील, जवळपास पाच हजार रुग्ण हे ‘एमडीआर’ टीबीला बळी पडलेले असतात. टीबीच्या उच्चाटनासाठी पालिका विविध पातळ्यांवर प्रयत्न करत असल्याचे सांगत असली तरी गोवंडी भागामध्ये टीबीचे रूग्ण सर्वाधिक संख्येने आढळूत येत आहेत.

टीबी रुग्णांची वाढती संख्या लक्षात घेऊनच मुंबई महापालिकेच्या क्षयरोग नियंत्रण अभियानाच्या ‘ब्रॅण्ड एम्बसिडर’ ची जबाबदारी अभिनेता अमिताभ बच्चन यांनी स्वीकारली आहे. उल्लेखनीय म्हणजे, नुकतंच खुद्द अमिताभ यांनीही आपल्याला टीबी झाला होता आणि त्यावर आपण यशस्वीपणे मात केल्याचे कबूल केले आहे.