सॅमसंगने त्यांच्या आकर्षण स्मार्टफोन मालिकेतील गॅलेक्सी अल्फा येत्या कांही आठवडयात बंद करण्याचा निर्णय घेतला असल्याची बातमी आहे. गॅलेक्सी अल्फाच्या जागी कंपनी गॅलेक्सी ए फाईव्ह आणणार असून हा फोन दक्षिण कोरियात जानेवारी २०१५ च्या अखेरी अथवा फेब्रुवारीच्या पहिल्या आठवड्यात सादर करणार आहे असेही समजते.
गॅलेक्सी अल्फा बंद करून त्या जागी ए फाईव्ह आणण्याचा कंपनीचा निर्णय स्वस्त डिव्हायसेससवर कंपनी फोकस करत असल्याचे संकेत देण्यासाठी असल्याचे सांगितले जात आहे. यामुळे सॅमसंग त्यांच्या ए सिरीज लाईनअपकडे अधिक ग्राहकांना आकर्षित करू शकेल असा दावा केला जात आहे. या लाईनअपमध्ये सहज परवडणार्या किंमतीत मेटल बॉडी, आकर्षक डिझाईन व अनेक फिचर्स असलेले स्मार्टफोन सादर केले जात आहे. गॅलेक्सी अल्फा साठीही मेटल बॉडी, आकर्षक डिझाईन होते मात्र त्याची किंमत अधिक असल्याने या स्मार्टफोनला ग्राहकांकडून फारसा प्रतिसाद मिळाला नव्हता असेही समजते.