सचिनने घेतले पट्टमराजू कंडरिगा गांव दत्तक

sachin
हैद्राबाद – पंतप्रधान मोदींनी जाहीर केलेल्या खासदार आदर्श गांव मोहिमेत सहभागी होताना राज्यसभेतील खासदार भारतरत्न क्रिकेटपटू सचिन तेंडुलकर याने आंध्र प्रदेशातील नेल्लोर जिल्हात असलेले ५ हजार लोकवस्तीचे पट्टमराजू कंडरिगा हे गांव दत्तक घेतले आहे. या गावाच्या विकासासाठी तो खासदार निधीतून ३ कोटी रूपये देणार असल्याचे समजते.

गुदूर शहरापासून २० किमी अंतरावर असलेल्या या गावात सचिन शाळा, हॉस्पिटल आणि महिलांसाठी प्रशिक्षण केंद्र उभारणार आहे. स्मार्ट गांव बनविण्याचा सचिनचा मानस आहे. गावाची लोकसंख्या ५ हजार असली तरी येथे साक्षरतेचे प्रमाण ८० टक्के आहे. येथील मुख्य व्यवसाय शेती आणि डेअरी हेच असून हे गांव तिरूपती लोकसभा मतदारसंघात येते.

Leave a Comment