भारतातील राष्ट्रीय उद्यानांची ओळख – भाग २

बर्डलाईफ इंटरनॅशनल ने पक्षी निरीक्षणासाठी या अभयारण्याचा खास उल्लेख केला आहे. अनेक प्रकारचे पक्षी, स्थलांतरीत पक्षी पाहण्यासाठी येथे मोठी गर्दी होत असते. या अरण्यात वाघ मोठ्या संख्येने आहेतच पण त्याचबरोबर अजगरे, किंग कोब्रासारखे अतिविषारी सापनाग, 15 प्रकारची कासवे, आसाम रूफ्ड टर्टल, ससे, मुंगुसे, बंगाली कोल्हे, चायनीज फेरेट बेजर, चायनीज पंगोलिन हे प्राणीही येथे पाहण्यास मिळतात.

हे अभयारण्य 1974 साली घोषित केले गेले असून तेथे जाण्यासाठी नोव्हेंबर मध्य ते एप्रिलची सुरवात हा चांगला सीझन आहे. अभयारण्याची वेळ सकाळी 9 ते सायंकाळी 6 अशी असते. जोरहाट हा जवळचा विमानतळ, गुवाहाटीपासूनही येथे रेल्वे अथवा बसने जाता येते. नवागाव, दिब्रूगड, तेजूपर ही जवळची शहरे असून येथूनही बसने येथे जाता येते.