आता विमलकुमार साईना नेहवालचे प्रशिक्षक

साईना आणि गोपीचंद यांची जोडी भारताच्या बॅडमिटन इतिहासातील सर्वात यशस्वी जोडी म्हणून ओळखली जाते. २४ वर्षीय साईनाला गेले काही दिवस तिचा फॉर्म सापडत नाहीये. त्यामुळे प्रशिक्षक बदलण्याचा निर्णय तिने घेतला असावा असा अंदाज व्यक्त केला जात आहे. विमलकुमार याच्याकडे तिचे प्रशिक्षण १९ सप्टेंबरपासून सुरू होत आहे. प्रशिक्षक बदलण्याची साईनाची ही दुसरी वेळ आहे.

यापूर्वी साईनाने २०११ साली गोपीचंद यांच्याऐवजी भास्करबाबू यांच्याकडून प्रशिक्षण घेण्यास सुरवात केली होती. मात्र लवकरच तिला तिची चूक कळून आल्यानंतर तिने पुन्हा गोपीचंद यांच्याकडेच खेळणे पसंत केले. त्यानंतरच तिने लंडन ऑलिंपिक्समध्ये ब्रॉन्झ पदकाची कमाई केली होती.