महाराष्ट्रात फक्त प्रचारच करणार ;शरद पवार

पवार म्हणाले ,महाराष्ट्रात विधानसभा निवडणुका लढताना काही ठिकाणी काँग्रेसबरोबरची आघाडी आम्हाला त्रासदायक ठरणार आहे. वेगवेगळे लढलो तर तेथे फायदा होईल, अशी स्थिती आहे. तरीही आम्ही आघाडी करूनच निवडणुकांना सामोरे जाणार असेही त्यांनी सांगितले. येणारी विधानसभा निवडणूक नेहमीसारखी नाही. लोकसभेसाठी जनतेने नरेंद्र मोदी यांच्या रूपाने पर्याय शोधला. मोदी लाट दुर्लक्षून चालणार नाही, असेही ते म्हणाले.केंद्रात सरकार बदलले असल्याने राज्यपाल बदलणे स्वाभाविक असल्याचेही त्यांनी सांगितले. देशात अन्नधान्याचे उत्पादन भरपूर आहे. त्याचे योग्य वाटप झाले पाहिजे. राज्यातील एलबीटी रद्द केला जाण्याची गरज आहे, असेही शरद पवार यांनी सांगितले.