हेग : वर्ल्डकप हॉकी स्पर्धेत सुरुवातीच्या दोन सामन्यात पराभव पत्कारावा लागल्याने भारताने मलेशियाचा ३-२ असा पराभव करून वर्ल्डकप हॉकी स्पर्धेत आपला विजय नोंदवला, पण साखळी स्पर्धेतच भारतीयाचे आव्हान आटोपले आहे.त्यामुळे सामना जिंकूनही भारताला पुढील फेरीत जाता आलेले नाही.
अ गट साखळीच्या इतर लढतीत गतवेळच्या विजेत्या ऑस्ट्रेलियाने इंग्लंडचा ५-० असा धुव्वा उडवून उपांत्य फेरीत प्रवेश केला. बेल्जियमने स्पेनवर ५-२ असा विजय संपादला आणि इंग्लंडसह आपल्या बाद फेरीतील प्रवेशाच्या आपल्या आशा कायम ठेवल्या आहेत. ब गटाच्या शुक्रवारी रात्री उशिरा झालेल्या लढतीत यजमान नेदरलँडसने माजी विजेत्या जर्मनीचा १-० असा पराभव केला.जर्मनीवर साखळीतच गारद व्हायची आपत्ती ओढवली आहे. नेदरलँड्सचा संघ ९ गुणांनिशी अव्वल स्थानावर आहे.
भारताने मलेशियावर ३-२ असा विजय मिळवला. १५ व्या मिनिटाला जसजीतसिंग खुलरने गोल करून भारताचे खाते उघडले. मध्यंतराला भारताकडे १-० अशीच आघाडी होती. ४६ व्या मिनिटाला रहिमने गोल करून मलेशियाला बरोबरी साधून दिली. ४९ व्या मिनिटाला आकाशदीपने गोल करून भारताला २-१ अशी आघाडी मिळवून दिली तर यानंतर दोनच मिनिटांनी आकाशदीपनेच भारताचा तिसरा व स्वतःचा दुसरा गोल केला. सामना संपायला नऊ मिनिटे बाकी असताना मरहान जलिलने मलेशियाचा दुसरा गोल सामना केवळ चार मिनिटं बाकी असताना केला पण नंतर मात्र मलेशियाला गोल करता आला नाही.